ප්‍රාදේශීය සභා පනතේ ප්‍රතිපාදනයන්ට අනුකූලව බල ප්‍රදේශය තුළ ජනතාවගේ භෞතික සහ මානව සම්පත් සංවර්ධනය උදෙසා සියලු සම්පත් ඒකරාශී කොට පොදු පහසුකම් වර්ධනය තුළින් ජනතා සහභාගීත්වයෙන් යුත් කාර්යක්ෂම, තිරසාර සහ සැලසුම්ගත සංවර්ධන ක්‍රියාවලියක් මගින් ප්‍රදේශයේ ජන දිවිය නගාසුටුවීම.

තිරගදහය නැගෙනහිර කෝරළය, තිරගදහය බටහිර කෝරළය, මහගල්බොඩ මෙගොඩ කෝරළය, කුඩාගල්බොඩ කෝරළය, වැල්ලව කෝරළය යන පස් කෝරළයෙන් සහ කුරුණෑගල, මල්ලවපිටිය, මාස්පොත යන ප්‍රාදේශීය ලේකම් කොට්ඨාශ තුනකින් සමන්විතවූ බල ප්‍රදේශය 1987 අංක 15 දරණ ප්‍රාදේශීය සභා පනතට අනුව කුරුණෑගල ප්‍රාදේශීය සභා බල ප්‍රදේශය වශයෙන් ස්ථාපිත විය. 1988.01.01 වන දින ස්ථාපිත කරන ලද කුරුණෑගල ප්‍රාදේශීය සභාව ආර, ඩබ්. එස්. වීරසිංහ නැමැති කුරුණෑගල ප්‍රාදේශීය ලේකම්තුමා, විශේෂ කොමසාරිස්වරයෙකු වශයෙන් මෙහෙයවීය. ආරම්භයේදී ලිපිකරුවන් තිදෙනෙකුද ආදායම් පරිපාලකවරයෙක්. තාක්ෂණ නිළධාරියෙක්, කාර්යාල කාර්ය සහායකයෙකු හා මුරකරුවෙකු වශයෙන් සේවක පිරිස හත් දෙනෙකු සේවය කළේය. කුරුණෑගල ප්‍රාදේශීය සභා උප කාර්යාල වශයෙන් කුඩාගල්ගමුව, තිරගදහය නැගෙනහිර, වැල්ලව යන ආයතන පිහිටුවීය.