සංචාරක පුරවරයන් පිළිබඳව සඳහන් වන සෑම විටම බළපිටියට හිමිවන්නේ ද සුවිශේෂ ස්ථානයකි. මන්ද එහි පවත්නා ආකර්ෂණීයත්වය සංචාරක කර්මාන්තයේ අභිවෘද්ධියට හේතුපාදක වී ඇති බැවිනි. ශ්රී ලංකාවේ සංචාරක කර්මාන්තයේ වැදගත් කේන්ද්රස්ථානයක් ලෙස බළපිටිය ප්රදේශය පත් වෙමින් පවතියි. විශේෂයෙන්ම මෙම ප්රදේශය විදේශීය සංචාරකයන්ගේ සිත් ගන්නා දර්ශණීය වෙරළ තීරයකින් සමන්විතය. එමෙන්ම මුහුදු තීරයේ ඇති කැස්බෑ සංරක්ෂණ මධ්යස්ථාන, දුවේ මෝදර ගඟ හා ඒ ආශ්රිත කඩොලාන පද්ධතිය, කොත්දුව දුපතේ ඇති කොත්දුව විහාරස්ථානය, මාදු ගඟ හා ඒ ආශ්රිත දුපත් සිත් ඇද ගන්නා ප්රධාන ස්ථාන ලෙස කොට්ඨාශය තුල පිහිටා ඇත. තවද බළපිටිය මාදු ගඟ දෙස් විදෙස් සංචාරකයන්ගේ සිත් ගත් පාරිසරික නිකේතනයකි. විවිධත්වයකින් හා සුන්දරත්වයකින් යුතු බලපිටිය මාදු ගඟ දකුණු ආසියාවේ තුන්වැනි රම්සා තෙත්බිම ලෙස ප්රකටය.
දෙස් විදෙස් ජනතාවට සුන්දර මාදු ගඟේ සිරි නැරඹීමේ අවස්ථාව හිමිවන අතර කඩොලාන නැරඹීමට තෝතැන්නක් වන මාඳු ගඟේ සංචාරය තුළදී කොත්දූව රජ මහා විහාරය ,සම්ප්රදායික ඉස්සො කොටු , මත්ස්ය තෙරපි මධ්යස්ථාන, කුරුඳු දුවේ කුරුඳු නිපදවන ආකාරය.
